جهزى نفسك عشان فى عريس جاى يتفرج عليكى بالليل!مناقشة مفتوحة عن جواز الصالونات

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
انا موافق طبعا لو حلوه ومؤدبه والحب هييجى بالوقت والعشره
2_هيكون احساسك ايه وانت رايح تشوف عروسه لاول مره؟
مش عارف بصراحه مجربتش لسه
3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
27
وانتى عندك حق فى كل كلامك بجد وللآسف دلوقتى كل ام او اب عاوزين الولد الجاهز مش مهم بقى بنتهم بتحبه او لأ

موضوع رائع يافونا وموضوع مهم جدا خصوصا فى الايام اللى احنا فيا اليومين دوول
انا رايى اكيييد هيبقى مخالف لناس كتيير

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
مفيش مشاكل خالص فى الموضوع ده مادام هى مؤدبه واهلها طيبين
وحلوه وطبعا مش هلغى الحب من حياتى بس فى الجوازات اللى من نوع تتطلب القبول من الطرفين فى الاول وبعد كده الحب هيجى مع الوقت بس لازم يكون فى قبول فى الاول وخصوصا من ناحيه البنت

2_هيكون احساسك ايه وانت رايح تشوف عروسه لاول مره؟
اكييد هبقى متوتر جدا ومحرج بطريقه كبيييره
وده شعور طبيعى حتى لو كنت شوفتها قبل كده وحتى لو كان فى ارتباط وحب من قبل كده
3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
هو سؤال صعب شويه متوقف على عوامل كتير اهمها يكون عندك الرغبه الحقيقه انك تكون نفسك فى اقرب وقت



بس انا لو حددت هيبقى فى خلال سنيتن او تلات سنين

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
موجود طبعا بس ولو فى قبول وتفاهم بين الطرفين قبل الجوااز هتلاقى الحب موجود بينهم بعد الجواز

ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟
انا من اساسه مش مقتنع بموضوع الارتباط الغير رسمى
بيبقى فى معظمه اشتغالات بين الطرفين او من احدهم

ميرسى كتييييييييييييييير ع الردود الجميله
انا مقتنعه جدا بالردود دى

انا مش معترضه خالص ع الجواز من غير ارتباط قبله بس يجى بأسلوب كويس
يعنى مثلا الاهل يرتبوا مقابله صدفه يعنى العريس يشوف البنت وهيا ماشيه فى الشارع مثلا من غير ماتعرف
عشان لو مفيش قبول يبقى مفيش احراج ليها
بس دلوقتى الموضوع اتقلب بدال مالعريس يتقدم ويا يتقبل يا يترفض لا بيروش هو يشوف العروسه
ويا يوافق او لا

صعب اوى الموقف ده على اى بنت
انا لو كنت الاول ممكن اوافق ع الارتباط غير الرسمى فدلوقتى لالالالالالالالالالالالالالالالالالالالالالالا
لالالالالالالالالالالالالالالالالالالالالالالا
لالالالالالالالالالالالالالالالالالالالالالا
مينفعش بصراحه مفيش حد صادق
اللى صادق بجد اللى بيجى البيت من بابه


1_ترضي ان عريس ييجي يشوفك ف بيت اهلك وانتي عمرك ما شفتيه؟
لو هو شافنى وعجبته اوك هعد اتكلم معاه شويه اشوف هو ايه
بس يكون افضل انى اكون شفتله صوره

2_وهيبقي احساسك ايه وهو هيشوفك لاول مره؟
مش هوافق اصلا على موقف زى ده انه يجى البيت ويشوفنى لاول مره
انما لو فى الشارع زى ماقولت وانا معرفش اوك


3_ولو رفضك هتحسي بإيه؟

انا قولت مش هوافق اصلا
وهو ده اللى انا اقصده لو رفضنى عشان كدا بقول لازم يشوفنى وانا مكونش عارفه عشان لو معجبتهوش ميبقاش فى احراج ليا

4_وياتري هتعيدي التجربه دي مره تانيه؟

لو الموضوع جه بشياكه بس محصلش نصيب مفيش مشكله انى اكرره تانى

هو طبعا الموضوع ده ديني اوي و هو الصح و المفروض اننا كلنا نمشي عليه لانه مفيش فيه حاجه تغضب ربنا عكس الحب العاطفي الي بيبقي لازم تشوفه و يشوفها و يخرجو مع بعض
و ده طبعا حرام و حاجه تغضب ربنا و بعدين الطريقه دي بتغلي البنت مش بترخسها خالص لانها بتبقي قعده في بيتها معززه مكرمه و هو بيجي لحد عندها مش تتشحطط وراه وبتفضل غاليه في نظره طوووووول العمر و انا عشت و شوفت التجربه دي مع اختي جلها عريس بلطريقه دي و هو بيحترمها اوي عكس اختي التانيه اتجورت عن طريق الحب العاطفي و لحد دلوقتي مش عارفه تخليه يحترمها ازاي و شكرا ع الموضوع اوي اوي يا فونا


1_ترضي ان عريس ييجي يشوفك ف بيت اهلك وانتي عمرك ما شفتيه؟
_اه ارضي
2_وهيبقي احساسك ايه وهو هيشوفك لاول مره؟

_اكيد هبقي خايفه و اكيد احساس غريب

3_ولو رفضك هتحسي بإيه؟

_ان مفيش نصيب

4_وياتري هتعيدي التجربه دي مره تانيه؟

_اكييييييييييييييييييييييييييد لاني مش هتجوز غير بيها

ميرسى توتى ع صراحتك ياقمر
ورأيك صح طبعا وكلنا لازم نحترمه


اتمنى مزيد من الاراء

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
ممكن
بس الافضل انى اكون اعرفها يعنى كان فى علاقه وبنحب بعض لانا بتخلى العلاقه اقوى
_هيكون احساسك ايه وانت رايح تشوف عروسه لاول مره؟
والله مش عارف بس غالبا هكون خايف شويه لان دى هتكون اول مره اقعد معاها فيها ومش عارفها
_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
مش قبل 27 او28 سنه

ميرسى مودى ع رأيك

نورت التوبيك